吸煙危害健康，相信冇乜邊個會唔知呢一個事實。
幾年前曾經因為好奇而偷偷地攞咗阿爸一枝煙嚟試，不過嗰陣唔識食差唔多成枝冇食過。上年因為唔開心所以買咗包嚟食，不過都係唔識食，只有喺個口唅住之後吹返出嚟。
有一次倍朋友煲煙嗰陣佢同我講其實D煙係要吸入個肺度嘅！哦，原來如此。
尋晚同另一個食煙嘅朋友出街嗰陣，佢俾咗支煙我試。我今次真的吸了入肺，這是真真正正的第一口煙！只是吸了一口。
感覺真係唔係太好，再一次加强我嘅疑問。。。
點解無論男女老幼都會食煙呢?
今日放學去搭巴士返屋企搭到差唔多火都嚟。D巴士唔知點解等成世都唔嚟架wor！好啦，到佢嚟上咗車都未必可以車到你去目的地，你都咪話唔好笑。事關呢度有樣嘢叫做”short turn”，上頭打個電話落order，巴士司機先生即刻叫哂全車人落車。
咁都仲未算過份wor！落咗車之後有兩架巴士都受同樣命運，係連續三架都喺嗰度short turn lor！！攪到起馬有成六十幾七十人喺同一個站度等巴士。個政府係唔係應該有責任攪好個transit system佢呢？如果佢係攪唔掂嘅話，倒不如將佢私營化啦。睇吓人地香港嘅MTR又或者日本嘅JR做得幾好~ 都唔知個死人TTC點攪架！
唔知由幾時開始自己養成咗冇兩點都唔瞓嘅壞習慣。其實為咗身體健康起見，我係好應該早D去瞓！但係就硬係冇嘢做都會上網上到咁夜先瞓。。。點解我要咁樣作餞自己呢？？
夜深人靜~ 我好鍾意呢種感覺，好寧靜！當全村人都瞓哂覺而淨得你一個人喺度鍾意做乜就做乜，呢種感覺真係好free嘅呢~~ ^^”
